WOH CHHAN
THAT MOMENT

Han Woh Chhan

Ek Haqeeqat Ka Anubhav

Ek Prakash Ki Anubhuti

Ek Swatantrata Ka Ehsaas

Han Yeh Wohi Chhan Tha

Jab Maine Tumhe Atmasat Kiya Tha

TUM, Jo Ki Aniwarchaniya Ho

Tumhare Us Chhan KO Kaise Bandhu , Shabdon Mein

Mere Shabd Ya Mera Maun

Kaun Adhik Mukhar Hoga

Us Chhan Ki Marjana Mein

Ek Lachar Sa Manas

Aur Ek aparimit Sanchaar

Haan ! Mere Shabdon Ka Vyas

Us Anubhav Se Alag Mera Apna Hai

Lekin Mere "k " Aur " Kha" Ki Dhuri

Shunya Se hi Shuru Hoti Hai

Isiliye Mere Shabdon Mein Bhi Pura Satya Hi Hoga

Yeh Jo Khushi Mere Chehare Pe

Akshunn Vyapta Hai

Usi Anubhav Ki Parichayak Hai

Us Chhan Maine Tumhe Paya

Ya apane aap Ko khoya Nahin Janata

Lekin Ek Naisargik Anand ka Anubhav

Kuch aisa Tha

Jo Us Chhan Ko ARADHYA Bana Gaya